عن اسماء بنت ابي بكر رضي اللّٰه عنهما قالت: تزوجني الزبير وما له في الارض من مال ولا مملوك ولا شيء غير ناضح وغير فرسه فكنت أعلف فرسه وأستقي الماء وأخرز غربه وأعجن ولم أكن أحسن أخبز وكان يخبز جارات لي من الانصار وكن نسوة صدق وكنت أنقل النوى من أرض الزبير التي أقطعہ رسول اللّٰه صلى اللّٰه عليه وسلم على رأسي وهي مني على ثلثي فرسخ فجئت يومًا والنوى على رأسي فلقيت رسول اللّٰه صلى اللّٰه عليه وسلم ومعه نفر من الانصار فدعاني ثم قال:”اخ اخ“. ليحملني خلفه فاستحييت أن أسير مع الرجال وذكرت الزبير وغيرته وكان أغير الناس فعرف رسول اللّٰه صلى اللّٰه عليه وسلم أني قد استحييت فمضي فجئت الزبير فقلت لقيتني رسول اللّٰه صلى اللّٰه عليه وسلم وعلي رأسي النوى ومعه نفر من أصحابه فأناخ لاركب فاستحييت منه وعرفت غيرتك، فقال: واللّٰه لحملك النوى كان أشد علي من ركوبك معه. (بخاری، رقم 5224)

”حضرت اسماء بنت ابی بکر رضی اللہ عنہما نے بیان کیا کہ زبیر رضی اللہ عنہ نے مجھ سے شادی کی تو اُن کے پاس ایک اونٹ اور اُن کے گھوڑے کے سوا روے زمین پر کوئی مال، کوئی غلام، کوئی چیز نہیں تھی۔ میں ہی اُن کا گھوڑا چراتی، پانی پلاتی، اُن کا ڈول سیتی اور آٹا گوندھتی۔ میں اچھی طرح روٹی نہیں پکا سکتی تھی۔ انصار کی کچھ لڑکیاں میری روٹی پکا جاتی تھیں۔ یہ بڑی سچی اور باوفا عورتیں تھیں۔ حضرت زبیر رضی اللہ عنہ کی وہ زمین جو رسول اللہ صلی اللہ علیہ وسلم نے اُنھیں دی تھی، اُس سے میں اپنے سر پر کھجور کی گٹھلیاں گھر لایا کرتی تھی۔ یہ زمین میرے گھر سے دو میل دور تھی۔ ایک روز میں آ رہی تھی اور گٹھلیاں میرے سر پر تھیں کہ راستے میں رسول اللہ صلی اللہ علیہ وسلم سے ملاقات ہو گئی۔ نبی کریم صلی اللہ علیہ وسلم کے ساتھ قبیلۂ انصار کے کئی آدمی تھے۔ نبی کریم صلی اللہ علیہ وسلم نے مجھے بلایا: پھر (اپنے اونٹ کو بٹھانے کے لیے) کہا: اخ اخ۔ نبی کریم صلی اللہ علیہ وسلم چاہتے تھے کہ مجھے اپنی سواری پر اپنے پیچھے سوار کر لیں، لیکن مجھے مردوں کے ساتھ چلنے میں شرم آئی اور زبیر رضی اللہ عنہ کی غیرت کا بھی خیال آیا۔ زبیر رضی اللہ عنہ بڑے ہی باغیرت تھے۔ نبی کریم صلی اللہ علیہ وسلم بھی سمجھ گئے کہ میں شرم محسوس کر رہی ہوں، اِس لیے آپ آگے بڑھ گئے۔ پھر میں زبیر رضی اللہ عنہ کے پاس آئی اور اُن سے واقعے کا ذکر کیا کہ نبی کریم صلی اللہ علیہ وسلم سے میری ملاقات ہو گئی تھی۔ میرے سر پر گٹھلیاں تھیں اور نبی کریم صلی اللہ علیہ وسلم کے ساتھ آپ کے چند صحابہ بھی تھے۔ نبی کریم صلی اللہ علیہ وسلم نے اپنا اونٹ مجھے بٹھانے کے لیے بٹھایا، لیکن مجھے اِس سے شرم آئی اور تمھاری غیرت کا بھی خیال آیا۔ اِس پر زبیر نے کہا کہ اللہ کی قسم، مجھ کو تو اِس سے بڑا رنج ہوا کہ تو گٹھلیاں لانے کے لیے نکلی۔ اگر تو نبی کریم صلی اللہ علیہ وسلم کے ساتھ سوار ہو جاتی تو اتنی غیرت کی بات نہ تھی، (کیونکہ اسماء رضی اللہ عنہا آپ کی سالی اور بھاوج، دونوں ہوتی تھیں)۔“

كان رسول اللّٰه صلى اللّٰه عليه وسلم يدخل على أم حرام بنت ملحان، وكانت تحت عبادة بن الصامت، فدخل عليها يومًا فأطعمته، وجعلت تفلي رأسه.

(بخاری،رقم 7001)

”رسول اللہ صلی اللہ علیہ وسلم ام حرام بنت ملحان رضی اللہ عنہا کے ہاں تشریف لے جایا کرتے تھے، وہ عبادہ بن صامت کے نکاح میں تھیں۔ ایک دن آپ اُن کے یہاں گئے تو اُنھوں نے آپ کے سامنے کھانے کی چیز پیش کی اور آپ کا سر جھاڑنے لگیں۔“

عن أنس رضي اللّٰه عنه، دخل النبي صلى اللّٰه عليه وسلم على أم سليم فأتته بتمر وسمن، قال:”أعيدوا سمنكم في سقائه، وتمركم في وعائه، فإني صائم.“ ثم قام إلى ناحية من البيت فصلى غير المكتوبة، فدعا لأم سليم وأهل بيتها.

(بخاری،رقم 1982)

”حضرت انس رضی اللہ عنہ نے بیان کیا کہ نبی کریم صلی اللہ علیہ وسلم ام سلیم رضی اللہ عنہا کے یہاں تشریف لے گئے۔ اُنھوں نے آپ صلی اللہ علیہ وسلم کی خدمت میں کھجور اور گھی پیش کیا۔ آپ صلی اللہ علیہ وسلم نے فرمایا: یہ گھی اُس کے برتن میں رکھ دو اور یہ کھجوریں بھی اُس کے برتن میں رکھ دو، کیونکہ میں تو روزے سے ہوں، پھر آپ نے گھر کے ایک کنارے میں کھڑے ہو کر نفل نماز پڑھی اور ام سلیم رضی اللہ عنہا اور اُن کے گھر والوں کے لیے دعا کی۔“

حدثنا جابر بن عبد اللّٰه أن رسول اللّٰه صلى اللّٰه عليه وسلم دخل على أم السائب أو أم المسيب فقال:”ما لك يا أم السائب أو يا أم المسيب ‌تزفزفين؟“ قالت: الحمى لا بارك اللّٰه فيها، فقال: ”لا تسبي الحمى فإنها تذهب خطايا بني آدم كما يذهب الكير خبث الحديد“.

(مسلم،رقم 2575)

”حضرت جابر بن عبد اللہ رضی اللہ عنہ فرماتے ہیں کہ رسول اللہ صلی اللہ علیہ وسلم حضرت ام سائب یا ام مسیب رضی اللہ عنہا کے یہاں تشریف لے گئے۔ (آپ بخار سے کانپ رہی تھیں تو) رسول اللہ صلی اللہ علیہ وسلم نے اُن سے پوچھا: کیا ہوا، کیوں کانپ رہی ہو؟ عرض کی: بخار ہے۔ اور ساتھ ہی کہا: اللہ پاک اِس میں برکت نہ دے۔ اِس پر آپ صلی اللہ علیہ وسلم نے (اُن کی اصلاح کرتے ہوئے) فرمایا: بخار کو بُرا نہ کہو، کیونکہ یہ بنی آدم کے گناہوں کو ایسا مٹاتا ہے، جیسے بھٹی لوہے کے زنگ کو ختم کرتی ہے۔“

عن هشام، قال: سمعت أنس بن مالك رضي اللّٰه عنه، قال: جاءت امرأة من الأنصار إلى النبي صلى اللّٰه عليه وسلم فخلا بها، فقال: ”واللّٰه، إنكن لأحب الناس إلي.“

(بخاری، رقم 5234)

”حضرت ہشام سے روایت ہے کہ میں نے حضرت انس بن مالک رضی اللہ عنہ کو کہتے ہوئے سنا کہ قبیلۂ انصار کی ایک خاتون نبی کریم صلی اللہ علیہ وسلم کے پاس آئیں تو نبی کریم صلی اللہ علیہ وسلم نے لوگوں سے ایک طرف ہو کر اُس سے تنہائی میں گفتگو کی، اُس کے بعد نبی کریم صلی اللہ علیہ وسلم نے فرمایا: تم لوگ، مجھے سب لوگوں سے زیادہ عزیز ہو۔“

عن جابر أن النبى صلى اللّٰه عليه وسلم دخل على أم مبشر الأنصارية فى نخل لها فقال لها النبى صلى اللّٰه عليه وسلم: ”من غرس هذا النخل، أمسلم أم كافر؟“ فقالت بل مسلم. فقال : ”لا يغرس مسلم غرسا ولا يزرع زرعا فيأكل منه إنسان ولا دابة ولا شىء إلا كانت له صدقة“.

(مسلم، رقم 4051)

”حضرت جابر رضی اللہ تعالیٰ عنہ بیان کرتے ہیں کہ نبی صلی اللہ علیہ وسلم ام مبشر نامی ایک انصاری عورت کے پاس اُس کے نخلستان میں تشریف لے گئے اور آپ صلی اللہ علیہ وسلم نے اُس سے دریافت فرمایا: یہ کھجور کے درخت کس نے لگائے ہیں، کیا وہ مسلمان تھا یا کافر؟اس نے جواب دیا: وہ مسلمان تھا، تو آپ صلی اللہ علیہ وسلم نے فرمایا: جو مسلمان بھی پودا لگاتا ہے یا کوئی پیداوار کاشت کرتا ہے، پھر اُس سے کوئی انسان یا کوئی حیوان، جان دار یا کوئی چیز کھاتی ہے تو وہ اُس کے لیے صدقہ بنتا ہے۔“

عن جابر قال: شهدت الصلاة مع رسول اللّٰه صلى اللّٰه عليه و سلم في يوم عيد فبدأ بالصلاة قبل الخطبة بغير أذان ولا إقامۃ فلما قضى الصلاة قام متوكئًا على بلال فحمد اللّٰه وأثنى عليه ووعظ الناس وذكرهم وحثهم على طاعته ثم مال ومضى إلى النساء ومعه بلال فأمرهن بتقوى اللّٰه و وعظهن و ذكرهن وحمد اللّٰه وأثنى عليه ثم حثهن على طاعته ثم قال: ”تصدقن فإن أكثركن حطب جهنم.“ فقالت امرأة من سفلة النساء سفعاء الخدين: بم يا رسول اللّٰه؟ قال: ”تكثرن الشكاة وتكفرن العشير“، فجعلن ينزعن قلائدهن وأقرطهن وخواتيمهن يقذفنه في ثوب بلال يتصدقن به.

(نسائی، رقم 1575)

”حضرت جابر رضی اللہ عنہ کہتے ہیں کہ میں عید کے دن نماز میں رسول اللہ صلی اللہ علیہ وسلم کے ساتھ موجود تھا، آپ نے خطبہ سے پہلے بغیر اذان اور بغیر اقامت کے نماز پڑھی، پھر جب نماز پوری کر لی تو آپ بلال رضی اللہ عنہ پر ٹیک لگا کر کھڑے ہوئے، اور آپ نے اللہ کی حمد و ثنا بیان کی، لوگوں کو نصیحتیں کیں، اور اُنھیں (آخرت کی) یاد دلائی، اور اللہ تعالیٰ کی اطاعت پر ابھارا، پھر آپ مڑے اور عورتوں کی طرف چلے، بلال رضی اللہ عنہ آپ کے ساتھ تھے، آپ نے اُنھیں (بھی) اللہ تعالیٰ سے ڈرنے کا حکم دیا، اور اُنھیں نصیحت کی اور (آخرت کی) یاد دلائی، اور اللہ تعالیٰ کی حمد و ثناء بیان کی، پھر اُنھیں اللہ تعالیٰ کی اطاعت پر ابھارا، پھر فرمایا: تم صدقہ کیا کرو، کیونکہ عورتیں ہی زیادہ تر جہنم کا ایندھن ہوں گی، تو ایک عام درجہ کی ہلکے کالے رنگ کے گالوں والی عورت نے پوچھا: کس سبب سے، اللہ کے رسول؟ آپ نے فرمایا: (کیونکہ) تم شکوے اور گلے بہت کرتی ہو، اور شوہر کی ناشکری کرتی ہو۔ عورتوں نے یہ سنا تو وہ اپنے ہار، بالیاں اور انگوٹھیاں اتار اتار کر بلال رضی اللہ عنہ کے کپڑے میں ڈالنے لگیں، وہ یہ صدقے کے طور پر دے رہی تھیں۔“

عن سهل قال: لما عرس ابو اسيد الساعدي، دعا النبي صلى اللّٰه عليه وسلم واصحابه، فما صنع لهم طعامًا ولا قربه اليهم الا امرأته ام اسيد، بلت تمرات في تور من حجارة من الليل. فلما فرغ النبي صلى اللّٰه عليه وسلم من الطعام، اماثته له فسقته، تتحفه بذلك.

(بخاری، رقم5182)

”حضرت سہل بن سعد ساعدی رضی اللہ عنہ نے بیان کیا کہ جب ابو اسید ساعدی رضی اللہ عنہ نے شادی کی تو انھوں نے نبی کریم صلی اللہ علیہ وسلم اور آپ کے صحابہ کو دعوت دی، اِس موقع پر کھانا اُن کی دلہن ام اسید ہی نے تیار کیا تھا اور اُنھوں نے ہی مردوں کے سامنے کھانا رکھا۔ اُنھوں نے پتھر کے ایک بڑے پیالے میں رات کے وقت کھجوریں بھگو دیں۔ جب نبی کریم صلی اللہ علیہ وسلم کھانے سے فارغ ہوئے تو انھوں نے ہی اِس کا شربت بنایا اور نبی کریم صلی اللہ علیہ وسلم کے سامنے تحفے کے طور پر پینے کے لیے پیش کیا۔“

عن فاطمة بنت قيس أن أبا عمرو بن حفص طلقها البتة وهو غائب، فأرسل إليها وكيله بشعير فسخطته، فقال: واللّٰه ما لك علينا من شيء، فجاءت رسول اللّٰه صلى اللّٰه عليه وسلم، فذكرت ذلك له، فقال:”ليس لك عليه نفقة“. فأمرها أن تعتد في بيت أم شريك، ثم قال: ”تلك امرأة يغشاها أصحابي، اعتدي عند ابن أم مكتوم، فإنه رجل أعمى تضعين ثيابك، فإذا حللت فآذنيني.“

(مسلم، رقم 1480)

”فاطمہ بنت قیس رضی اللہ عنہا سے روایت ہے کہ ابو عمرو بن حفص رضی اللہ عنہ نے اُنھیں طلاق بتہ (حتمی، تیسری طلاق) دے دی، اور وہ خود غیرحاضر تھے، اُن کے وکیل نے اُن کی طرف سے کچھ جَو (وغیرہ) بھیجے تو وہ اِس پر ناراض ہوئیں، اُس (وکیل) نے کہا: اللہ کی قسم، تمھارا ہم پر کوئی حق نہیں۔ وہ رسول اللہ صلی اللہ علیہ وسلم کے پاس آئیں اور یہ بات آپ کو بتائی۔ آپ نے فرمایا: اب تمھارا خرچ اِس کے ذمے نہیں۔ اور آپ نے اُنھیں حکم دیا کہ وہ ام شریک رضی اللہ عنہا کے گھر میں عدت گزاریں، پھر فرمایا: اُس عورت کے پاس میرے صحابہ آتے جاتے ہیں، تم ابن مکتوم رضی اللہ عنہ کے ہاں عدت گزار لو، وہ نابینا آدمی ہیں، تم اپنے (اوڑھنے کے) کپڑے بھی اتار سکتی ہو۔ تم جب (عدت کی بندش سے) آزاد ہو جاؤ تو مجھے بتانا۔“

عن زيد بن اسلم عن ابيه قال خرجت مع عمر بن الخطاب رضي اللّٰه عنه الى السوق فلحقت عمر امرأة شابة فقالت: يا امير المؤمنين، هلك زوجي وترك صبية صغارا واللّٰه ما ينضجون كراعًا ولا لهم زرع ولا ضرع وخشيت ان تأكلهم الضبع وانا بنت خفاف بن ايماء الغفاري وقد شهد أبي الحديبية مع النبي صلى اللّٰه عليه وسلم فوقف معها عمر ولم يمض، ثم قال: مرحبا بنسب قريب، ثم انصرف الى بعير ظهیر كان مربوطًا في الدار فحمل عليه غرارتين ملأهما طعامًا وحمل بينهما نفقةً وثيابًا ثم ناولها بخطامه ثم قال: اقتاديه فلن يفنى حتى يأتيكم اللّٰه بخيرٍ. فقال رجل: يا أمير المؤمنين، اكثرت لها، قال عمر: ثكلتك امك واللّٰه إني لارى أبا هذه وأخاها قد حاصرا حصنًا زمانًا فافتتحاه ثم أصبحنا نستفيء سهمانهما فيه.

(بخاری، رقم 4160)

”حضرت زید بن اسلم اپنے والد سے روایت کرتے ہیں، وہ کہتے ہیں کہ میں حضرت عمر رضی اللہ عنہ کے ساتھ بازار کے لیے نکلا تو حضرت عمررضی اللہ عنہ سے ایک نوجوان عورت نے ملاقات کی اور عرض کی: امیرالمومنین، میرے شوہر کی وفات ہو گئی ہے اور چند چھوٹی چھوٹی بچیاں چھوڑ گئے ہیں۔ اللہ کی قسم ، اب نہ اُن کے پاس بکری کے پائے ہیں کہ اُن کو پکا لیں، نہ کھیتی ہے، نہ دودھ کے جانور ہیں۔ مجھے ڈر ہے کہ وہ فقر و فاقہ سے ہلاک نہ ہو جائیں۔ میں خفاف بن ایماء غفاری رضی اللہ عنہ کی بیٹی ہوں۔ میرے والد نبی کریم صلی اللہ علیہ وسلم کے ساتھ غزوۂ حدیبیہ میں شریک تھے۔ یہ سن کر عمر رضی اللہ عنہ اُن کے پاس تھوڑی دیر کے لیے کھڑے ہو گئے، آگے نہیں بڑھے۔ پھر فرمایا: مرحبا، تمھارا خاندانی تعلق تو بہت قریبی ہے۔ پھر آپ ایک بہت قوی اونٹ کی طرف مڑے، جو گھر میں بندھا ہوا تھا اور اُس پر دو بورے غلے سے بھرے ہوئے رکھ دیے۔ اُن دونوں بوروں کے درمیان روپیہ اور دوسری ضرورت کی چیزیں اور کپڑے رکھ دیے اور اُس کی نکیل اُن کے ہاتھ میں تھما کر فرمایا: اِسے لے جاؤ، یہ ختم نہ ہو گا کہ اِس سے پہلے ہی اللہ تعالیٰ تجھے اِس سے بہتر دے گا۔ ایک صاحب نے اِس پر کہا: اے امیر المومنین، آپ نے اِسے بہت دے دیا۔ عمر رضی اللہ عنہ نے کہا: تیری ماں تجھے روئے، اللہ کی قسم، اِس عورت کے والد اور اِس کے بھائی جیسے اب بھی میری نظروں کے سامنے ہیں کہ ایک مدت تک ایک قلعہ کے محاصرے میں وہ شریک رہے، آخر اُسے فتح کر لیا۔ پھر ہم صبح کو اُن دونوں کا حصہ مالِ غنیمت سے وصول کر رہے تھے۔“

وعادت أم الدرداء رجلًا من أهل المسجد من الانصار.

(بخاری 14/ 256)

”ام درداء ایک انصاری صحابی کی عیادت کیا کرتی تھیں، جو مسجد میں رہتے تھے۔“

عن الربيع بنت معوذ، قالت: كنا مع النبي صلى اللّٰه عليه وسلم، نسقي ونداوي الجرحى، ونرد القتلى الى المدينة.

(بخاری ،رقم2882)

”حضرت ربیع بنت معوذ رضی اللہ عنہا نے بیان کیا کہ ہم نبی کریم صلی اللہ علیہ وسلم کے ساتھ (غزوہ میں) شریک ہوتی تھیں، مسلمان فوجیوں کو پانی پلاتی تھیں، زخمیوں کی مرہم پٹی کرتی تھیں اور جو لوگ شہید ہو جاتے، اُنھیں اٹھا کر مدینے لاتی تھیں۔“

عن أم عطية الأنصارية، قالت: غزوت مع رسول اللّٰه صلى اللّٰه عليه وسلم، سبع غزوات، أخلفهم في رحالهم، فأصنع لهم الطعام، وأداوي الجرحى، وأقوم على المرضى.

(مسلم ،رقم1812)

”حضرت ام عطیہ انصاریہ رضی اللہ عنہا سے روایت ہے اُنھوں نے کہا: میں رسول اللہ صلی اللہ علیہ وسلم کے ساتھ سات غزوات میں شریک رہی۔ میں مردوں کے ٹھیرنے کی جگہ میں رہتی اور اُن کا کھانا پکاتی اور زخمیوں کی دوا کرتی اور بیماروں کی خدمت کرتی۔“

عن محمود بن لبيد، قال: لما أصيب أكحل سعد يوم الخندق، فثقل، حولوه عند امرأة يقال لها: ‌رفيدة، وكانت تداوي الجرحى، فكان النبي صلى اللّٰه عليه وسلم، إذا مر به، يقول: ^”كيف أمسيت؟^“، وإذا أصبح: ^”كيف أصبحت؟^“، فيخبره.

(الادب المفرد، رقم 1129)

”حضرت محمود بن لبید کہتے ہیں کہ جب غزوۂ خندق کے دن سعد بن معاذ کی کلائی زخمی ہوگئی اور اُن کی حالت بگڑ گئی تو اُنھیں ایک عورت کے پاس لے جایا گیا جسے ‌رُفیدہ کہا جاتا تھا، اور وہ زخمیوں کا علاج کرتی تھی۔ نبی صلی اللہ علیہ وسلم جب بھی اُن کے پاس سے گزرتے تو پوچھتے: تم نے شام کیسے گزاری؟ اور صبح پوچھتے: تم نے صبح کیسے گزاری؟ تو سعد بن معاذ اُنھیں اپنی حالت بتاتے۔“

عن أبي بلج يحيى بن أبي سليم، قال: رأيت ‌سمراء ‌بنت ‌نهيك، وكانت قد أدركت النبي صلى اللّٰه عليه وسلم، عليها درع غليظ، وخمار غليظ، بيدها سوط تؤدب الناس، وتأمر بالمعروف، وتنهى عن المنكر.

(المعجم الكبير ، رقم 785)

”حضرت ابوبلج یحییٰ بن ا بو سلیم بیان کرتے ہیں کہ میں نے سمراء بنت نہیک کو دیکھا ، جو کہ نبی کریم صلی اللہ علیہ وسلم کی صحبت پا چکی تھیں کہ اُن کے جسم پر ایک موٹا زرع اور دوپٹا تھا اور اُن کے ہاتھوں میں ایک کوڑا تھا۔ وہ لوگوں کو ادب سکھا رہی تھیں اور امر بالمعروف اور نہی عن المنکر کر رہی تھیں ۔“

أن نفرًا من بني هاشم دخلوا على ‌أسماء بنت عميس، فدخل ‌أبو ‌بكر الصديق - وهي تحته يومئذٍ - فرآهم فكره ذلك، فذكر ذلك لرسول اللّٰه صلى اللّٰه عليه وسلم، وقال: لم أر إلا خيرًا! فقال رسول اللّٰه صلى اللّٰه عليه وسلم:”إن اللّٰه قد برأها من ذلك“. ثم قام رسول اللّٰه صلى اللّٰه عليه وسلم على المنبر، فقال: ”لا يدخلن رجل بعد يومي هذا على مغيبة إلا ومعه رجل أو اثنان.“

(مسلم،رقم 2173)

”بنو ہاشم کے کچھ لوگ حضرت اسماء بنت عمیس رضی اللہ عنہا کے گھر گئے، پھر حضرت ابو بکر رضی اللہ عنہ بھی آگئے، حضرت اسماء رضی اللہ عنہا اُس وقت اُن کے نکاح میں تھیں۔ اُنھوں نے اُن لوگوں کو دیکھا تو اُنھیں ناگوار گزرا۔ اُنھوں نے یہ بات رسول اللہ صلی اللہ علیہ وسلم کو بتائی، ساتھ ہی کہا: میں نے خیر کے سوا کچھ نہیں دیکھا۔ رسول اللہ صلی اللہ علیہ وسلم نے فرمایا: اللہ تعالیٰ نے (بھی) اُنھیں (حضرت اسماء بنت عمیس رضی اللہ عنہا کو) اِس سے بری قرار دیا ہے۔ پھر رسول اللہ صلی اللہ علیہ وسلم منبر پر کھڑے ہوئے اور فرمایا: آج کے بعد کوئی شخص کسی ایسی عورت کے پاس نہ جائے جس کا خاوند گھر پر نہ ہو، الاّ یہ کہ اُس کے ساتھ ایک یا دو لوگ ہوں۔“

عن عبد اللّٰه بن عباس رضي اللّٰه عنهما، قال: كان الفضل رديف رسول اللّٰه صلى اللّٰه عليه وسلم، فجاءت امرأة من خشعم، فجعل الفضل ينظر إليها وتنظر إليه، وجعل النبي صلى اللّٰه عليه وسلم يصرف وجه الفضل إلى الشق الآخر فقالت: يا رسول اللّٰه، إن فريضة اللّٰه على عباده في الحج، أدركت أبي شيخًا كبيرًا لا يثبت على الراحلة، أفأحج عنه؟ قال:”نعم“. وذلك في حجة الوداع.

(بخاری، رقم 1513)

”حضرت عبد اللہ بن عباس رضی اللہ عنہما سے روایت ہے، وہ فرماتے ہیں: حجۃ الوداع میں اُن کے بھائی فضل بن عباس رضی اللہ عنہ نبی صلی اللہ علیہ وسلم کے پیچھے سواری پر بیٹھے تھے کہ اِسی دوران میں خشعم قبیلے کی ایک عورت آئی۔ فضل بن عباس رضی اللہ عنہ اُس کی طرف اور وہ فضل کی طرف دیکھنے لگی تو رسول اللہ صلی اللہ علیہ وسلم نے فضل بن عباس رضی اللہ عنہ کا چہرہ دوسری جانب کر دیا۔ اُس نے عرض کیا: یا رسول اللہ، اللہ کے بندوں پر حج فرض ہے اور میرے والد بہت بوڑھے ہو گئے ہیں اور سواری پر بھی نہیں بیٹھ سکتے، تو کیا میں اُن کی طرف سے حج کر سکتی ہوں؟ آپ صلی اللہ علیہ وسلم نے فرمایا: ہاں۔ “